(Pikit, North Cotabato/ November 4, 2013)
---Hanggang ngayon ay wala pang natatanggap na resolution ang pamunuan ni
Cotabato Provincial election Supervisor Atty. Duque Kadatuan sa pagtatakda ng
special election sa bayan ng Pikit.
Ito ang kinumpirma sa DXVL News ni Atty.
Kadatuan bagama’t una ng iminungkahi nila ang Nobyembre a-8.
Aniya, patuloy ang kanilang paghihintay sa
Comelec Office sa Manila na maaprubahan ang nasabing resolution at maitakda na
ang special election.
Sinabi ni Kadatuan na hindi naman ang peace
and order ang nakikita nitong dahilan kung bakit di natuloy ang halalang
pambarangay sa 12 mga barangay ng Pikit bagkus tinukoy nito ang problema sa mga
board of election tellers o BETs.
Kaugnay nito, ni-relieve muna sa kanyang
posisyon ang election Officer ng Pikit na si Joel Celis at ibinalik bilang
election assistant sa Office of the Provincial supervisor.
Samantala nahaharap naman sa kaso ang mga
guro na umatras maging BETs sa eleksyon.
Kaugnay nito, Sasailalim naman sa
orientation at pagsasanay ang mga pulis upang maging BETs. Rhoderick Beñez
0 comments:
Mag-post ng isang Komento