(M’lang,
North Cotabato/ November 6, 2013) ---Nagpalabas ngayon ng reward money si Cotabato Governor Lala Mendoza sa sinumang
makapagturo ng suspek na pumatay sa Kapitan ng Barangay Libo-o, Mlang.
Sinabi ng gobernador na P100,000 ang inilaan nitong
reward money para sa anumang impormasyon ikadarakip ng mga responsable sa
pagbaril kay Kapitan Eduardo Panes.
Pinakikilos na rin ng gobernador ang mga kapulisan na
magsagawa ng malalimang imbestigasyon.
Napag-alaman na si Panes ay nahalal sa kanyang
ikalawang termino bilang kapitan ng Libo-o sa bayan ng Mlang ng paslangin ng
mga riding in tandem habang papauwi ito sa kanyang bahay noong Sabado.
Malaki ang paniniwala ni PSI Rolando Dillera, hepe ng
Mlang PNP na pulitika ang nasa likod ng nasabing pamamaslang.
Samantala, sa isinagawang Peace and Order Council
Meeting kahapon humiling ng dagdag na pwersa ng military si Mayor Joselito
Pinol para sa dagdag na deployment at augmentation ng pulisya sa Barangay Tawan-tawan
ng nasabing lugar. Rhoderick
Beñez
0 comments:
Mag-post ng isang Komento