(Libungan, North Cotabato/ November 24,
2013) ---Naglabas kamakailan ng rekomendasyon ang National Historical
Commission of the Philippines o NHCP tungkol sa planong kumpunihin ang Libungan
Bridge I na isang ‘national historical structure.’
Base sa sulat na ipinadala ni NHCP
Chairperson Maria Serena Diokno, pabor ang ahensya na palitan ang materyales na
ginamit sa tulay dahil na rin sa kalumaan nito.
Maliban umano sa hindi nila pagtutol sa
proposed reconstruction, iminungkahi naman ng NHCP na kailangang pareho ang
‘configuration’ na maipapatupad at magamit ang ‘reusable components’ ng
nasabing istruktura.
Partikular na rito ang metal plates na
ginamit ng United States Steel Export Company noong taong 1949 sa pagtatayo ng
nabanggit na tulay.
Samantala, nagagalak naman ang pamunuan ng
DPWH Cotabato 2nd Engineering District office, Lokal na Pamahalaan ng Libungan
at tanggapan ni Rep. Jesus Sacdalan sa mabilis na pag-ayon ng NHCP tungkol sa
rekonstruksyon ng tulay.
Ang Libungan Bridge I ay nasa kahabaan ng
Davao-Cotabato National Arterial Highway at isinara noong 1998 dahil sa
kalumaan at banta ng aksidente. Roderick
Bautista
0 comments:
Mag-post ng isang Komento