(Pikit, North Cotabato/
November 28, 2013) --- Isa ang napaslang sa isinagawang operasyon ng mga
otoridad kontra sa notoryos na pugante sa Barangay Batulawan, Pikit, North
Cotabato ala 1:00 ngayong hapon lamang (November 26, 2013).
Ayon kay PCInsp. Joefrey
Todeno, hepe ng Pikit PNP nagsasagawa sila ng pinagsanib na operasyon sa lugar
para matunton ang puganteng si Datukan Samad na mas kilala sa tawag na
Kumander “Lastikman”.
Pero nagpang-abot sa
lugar ang pangkat ni Lastikman at ang pwersa ng pulisya, militar at ilan pang
elemento ng otoridad kaya nagkabakbakan ang mga ito.
Isa ang patay sa panig
ng armadong grupo na kinilalang si Ramon Bantolinay kungsaan naabot ng pulisya
ang bangkay nito na may nakasalukbit pang M16 at bandoler.
Habang isa naman ang
sugatan sa panig ng gobyerno na kinilalang si P02 Soriano.
Patuloy ngayong
tinutugis ng mga otoridad si Lastikman kungsaan nagpapatuloy pa ang putukan sa
lugar habang ginagawa ang balitang ito.
Nabatid na si Commander
Lastikman ay nahaharap sa iba’t ibang kasong kriminal sa Central Mindanao kagaya
ng robbery hold-up, sangkot din sa mga kidnapping, extortion, multiple murder
at multiple frustrated murder
Rhoderick Beñez
0 comments:
Mag-post ng isang Komento