(Kabacan, North Cotabato/ May 16, 2013) ---Maluwag
na tatanggapin ni Kabacan Mayor George Tan ang magiging hatol ng bayan sa
katatapos na eleksiyon.
Ito ang naging pahayag ng punong ehekutibo
sa eksklusibong panayam ng DXVL News ngayong umaga.
Aniya, hindi man siya pinalad na mailukluk
muli sa pwesto, makakaasa umano ang taong bayan na buong puso nitong
tatanggapin sampu ng kanyang pamilya ang magiging resulta ng halalan.
Kaugnay nito, ang mga nangyayaring mga
pag-granada dito sa bayan ay kinukondena ng opisyal dahil isang masakit na
Gawain umano ito ng mga masasamang tao na ang nais ay guluhin ang pamumuhay
ngmga Kabakeños.
Nananawagan si Tan sa mga taong gumagawa ng
masasama sa bayan na tigilan na ito dahil nakakasira lamang ito sa imahe ng
umuunlad at umuusbong na Kabacan.
Dagdag pa niya na nararamdaman umano nito
ang tunay na pagmamahal at suporta sa kanya dahil lima sa kanyangmga konsehal
ang nakapasok sa bilangan.
Bilang panghuling mensahe ng opisyal, binate
nito ang mga bagong halal na opisyal sa munisipyo ng Kabacan. (Rhoderick Beñez)
0 comments:
Mag-post ng isang Komento