Mayor George Tan, itinangging may kinalaman siya sa pagkakabalam ng proklamasyon ng mga bagong winning candidates sa bayan ng Kabacan

(Kabacan, North Cotbato/ May 16, 2013) ---Mariing itinanggi ngayon ni Kabacan Mayor George Tan na may kinalaman siya sa pagkakabalam ng proklamasyon ng mga winning candidates sa bayan ng Kabacan.

Aniya, walang katotohanan ang mga kumakalat na report na siya umano ang nasa likod kung bakit natagalan ang proklamasyon ng Comelec sa mga bagong halal na kandidato.

Una ng sinabi ng Comelec Kabacan na nagkaroon ng aberya sa Compact Flash cards sa ilang mga PCOS Machine bagay na naantala ang transmission ng resulta sa Municipal Board of Canvassing.

Ayon kay Tan, maluwag nitong tatanggapin ang kanynag pagkatalo at sa halip ay pinasalamatan nito ang mamamayan ng Kabacan at ang mga nagsuporta sa kanyang liderato.

Dagdag pa nito, na matiwasay siyang bababa sa pwesto kungsaan una niya na itong pinaghandaan at mali angmga haka-hakang hindi umano nito tanggap ang kanyang pagkatalo.

Iginiit pa nito na sa larangan ng pulitika walang permanente kungsaan magsilbi lamang siya hanggang sa nagustuhan siya ng kanyang mga kababayan.

Kung ito ang magiging hatol ng taongbayan at kagustuhan ng Diyos maluwag sa dibdib nitong tinatanggap, dagdag pa ni Tan.

Samantala, inaasahan na ngayong araw na maiproklama ang mga bagong halal na opisyal ng Kabacan.

Naantala ang canvassing sa dalawng mga PCOS dahil sa nagkaroon ng aberya o problema sa CF Cards. (Rhoderick Beñez)