(Kidapawan City/ April
23, 2013) ---Ginagawa na ng North Cotabato Provincial Government ang lahat ng
paraan para marekober ng buhay ang dinukot na PNP Arakan member na si PO3 Maula
Ali.
Ayon kay North Cotabato
Governor Emylou Talinio-Mendoza, kumikilos ang PNP North Cotabato para matiyak
kung sino ang mga dumukot kay PO3 Ali at kung saan ito dinala.
Maingat din raw sa
pagbibigay ng impormasyon ang PNP North Cotabato patungkol sa abduction ng
naturang pulis para maiwasan ang mga maling impormasyon.
Hindi pa rin daw
naglalabas ng anumang pahayag ang New People’s Army o NPA na itinuturong nasa
likod ng pagdukot kay PO3 Ali.
Kaugnay nito, nanawagan
si Gov. Mendoza sa publiko partikular sa mga may nalalaman sa pagdukot sa pulis
na makipag-ugnayan sa otoridad.
Umapela rin ang
gobernadora sa lahat na panatilihin ang kapayapaan lalo na ngayong panahon ng
halalan.
0 comments:
Mag-post ng isang Komento