(Pikit, North Cotabato/ April 24, 2013) ---Patay
na ng matagpuan ng mga residente ang isang 71-anyos na lolo makaraang makaraang
pagbabarilin sa Brgy. Takepan, Pikit, Cotabato alas 10:00 ng umaga kahapon.
Kinilala ni P/CInsp. Jordine Maribojo, hepe
ng Pikit PNP ang biktima na si Bienvenido Pano, may-asawa at residente ng
nabanggit na lugar.
Nagtamo ang biktima ng iba’t-ibang tama ng
bala sa iba’t-ibang bahagi ng katawan nito at sa leeg na naging dahilan ng
agara nitong kamatayan.
Narekober ng mga imbestigador sa crime scene
ang anim na empty shells at 1 slug ng kalibre .45 na pistol na siya’ng ginamit
ng mga salarin sa pagpaslang sa biktima.
Ayon sa mga residente sa lugar, may narinig
umano silang alingawngaw na putok ng baril dalawang oras bago natagpuan ang
biktima.
Sinabi ni Maribojo na ang mga narekober na
ebedensiya ay isusumite nila sa crime laboratory para sa eksaminasyon at cross
matching test.
Sa ngayon inaalam pa ng mga otoridad kung
anu ang motibo sa pagpasalang kay Pano habang tinutugis na sila ang mga
responsible sa nasabing krimen. (Rhoderick Beñez)
0 comments:
Mag-post ng isang Komento