Ilang mga election paraphernalia’s dumating na sa LGU Kabacan

(Kabacan, North Cotabato/ April 26, 2013) ---Dumating noong Martes sa LGU Kabacan ang ilang mga election paraphernalia’s.

Ito ayon kay Municipal Treasurer Precy Quiñones sa panayam ng DXVL Radyo ng Bayan.

Aniya ang nasabing mga gamit sa election ay kanilang kinuha sa Provincial Comelec ng North Cotabato sa Amas, Kidapawan City.

Kabilang sa mga dumating ay ang balota, folders, envelop, ball pen at lahat ng mga ginagamit sa halalan maliban lamang sa PCOS Machine ng Smartmatic.

Sa ngayon sinabi pa ng opisyal na nakalagak ang lahat ng gamit sa election sa kanyang opisina kungsaan 24-oras itong binabantayan ng mga pulisya.

Anumang araw simula ngayon ay ipepresenta nito sa mga Board of Election Inspectors o BEIs ang nasabing gamit, ito ay kung may hudyat na buhat sa comelec Kabacan.

Sinabi ng opisyal na ang nasabing mga gamit ay kanilang idedeliver sa mga pagdadausan ng halalan ilang araw bago ang botohan. (Rhoderick Beñez)