(Kabacan,
North Cotabato/ February 1, 2013) ---Ninakawan ang isang tindahan ng motor
parts ng mga ‘di pa nakikilalang salarin sa Osias, National highway, Kabacan Cotabato dakong alas tres y medya
hanggang alas kwatro ng madaling araw kahapon.
Napag-alaman
na ang tindahan ay pagmamay ari ni Oscar Fernandez , residente ng nabanggit na
lugar. Ayon sa kanya, tinangay ng mga kawatan ang trenta piraso ng ipinagbibili niyang gulong ng
motorsiklo na napag alamang nakalagay o
nakapwesto lamang sa labas ng kanyang tindahan.
Dagdag
pa aniya, pwersahan pa diumanong sinira ng mga salarin ang padlock ng kadena na
nagdudugtong at nagtatali sa mga gulong ng motorsiklo kaya’t nagawa nilang
tangayin ang lahat ng mga ito.
Patuloy
naman sa imbestigasyon ang ginagawa ng Kabacan-PNP sa naturang pagnanakaw.
(Chriss Corpuz, DXVL NEWS)
0 comments:
Mag-post ng isang Komento