(Kabacan, North Cotabato/ January 14, 2013)
---Handang magbigay si Kabacan Mayor George Tan ng Cash reward na P200,000 para
sa sinumang makapagturo sa bumaril kay Kabacan Vice Mayor Policronio Dulay,
kasunod na rin ng pagtitiyak ng alkalde na gagawin nito ang lahat ng hakbang
para mahuli ang responsable kasabay ng pangako sa pamilya nito na hindi siya
hihinto hanggang sa hindi mahuli ang suspek sa pamamaslang sa opisyal.
Una na ring sinabi ng opisyal na nabigla
siya ng malaman nito ang sinapit sa alkalde kungsaan di nito lubos maisip na
may gagawa sa kanya ng ganito, gayung para sa opisyal ay napakabait na tao ang
bise alkalde.
Aniya, parang nawalan na umano ng isang
parte ng katawan ang punong ehekutibo, dahil sa malaking kawalan para sa kanya
ang pagkawala ng alkalde.
Kaugnay nito, malaki ang paniniwala ni Tan
na Pulitika ang motibo sa pamamaslang sa kanyang bise alkalde dahil sa alam
nitong mabuting tao ang opisyal at malinis ang kanyang puso.
Naging maganda rin ang kanilang samahan sa
ilang taon nila sa pulitika at bilang alagad rin sa gobyerno.
Kaya naman nagpalabas na ng deriktiba si Tan
sa mga opisyal ng PNP na pag-aralang mabuti at wag hihinto hanggang sa mahuli
ang salarin.
Sa kabila ng mga negatibong espekulasyon sa
pagkamatay ni Vice Dulay, hindi naman ito ngayon binibigyang pansin ng alkalde
sa halip ay pinagtutununan nito ang mga hakbang na dapat gawin at ginagawa nito
ang lahat ng legal na proseso kungsaan lahat ay naglulukso pa sa ngayon.
(Rhoderick Beñez)
0 comments:
Mag-post ng isang Komento