Hindi dapat pwedeng masakripisyo ang klase sa USM dahil sa nagpapatuloy na rally ---ayon kay Gov. Lala

(Kabacan, North Cotabato/ January 17, 2013) ---Naging tensiyunado ang loob ng University of Southern Mindanao Main Campus dito sa bayan ng Kabacan makaraang mapasok ng mga raliyesta ang compound mag-aalas onse kaninang umaga.

Di naman sila napigilan ng pwersa ng USM Security Force ng mapasok nila ang compound at agad na sinugod ng mga ito ang harap ng USM administration building at naglagay ng tolda.

Panawagan pa rin nila sa harap ng admin building na pababain si USM Pres. Dr. Jesus Antonio Derije sa pwesto dahil umano sa mga korupsiyon nito at iba pang mga parating sa Pangulo.

Pero sa kabila nito, sa panayam ng DXVL News kay Cotabato governor Emmylou “lala” Taliño Mendoza na di dapat masasakripisyo ang pasok sa loob ng Pamantasan dahil sa nagpapatuloy na kilos protesta ng mga ito sa ikatlong na araw na ngayon.

Ayon sa opisyal handa siyang harapin ang dalawang kampo para sa isang negosasyon at matuldukan na ang krisis sa Pamantasan.

Kaugnay nito, kaninang tanghali ay nag-usap na umano ang mga lider ng raliyesta at si USM Pres. Derije sa harap ng gobernador sa Provincial capitol sa Amas, Kidapawan City at hanggang ngayon ay inaalam pa kung anu ang magiging aksiyon nito.

Samantala, mariing kinondena na ngayon ng ilang mga estudytante at mga kawani ng Pamantasan ang nagpapatuloy na kilos protesta sapagkat 1 o 3 porsiento lamang umano ng mga estudyante ang lumalahok sa nasabing kilos protesta at nabatid na karamihan sa mga ito ay mga outsiders at binayaran, ayon sa report.

Hindi na rin umano mga stakeholders at mga estudyante ng USM ang nagsasagawa ng rally bagkus ay ilang grupo na galing sa ibang lugar at ibang agenda na umano ang kanilang sinisigaw.

Bagama’t totoong may mga sintimiento ang ilang mga grupo sa USM sa pamamalakad sa Pamantasan di na rin umano nila matatanggap na mababalita sa labas na nagpoprotesta ang mga estudyante at ang nais nila ay matuldukan na ang nasabing kaguluhan at makapag-aral ng maayos at maibalik sa normal na dating sitwasyon ng USM, isa sa pinakamalaking ste University sa bahaging ito ng Mindanao na higit sa anim na dekada ng nagbibigay ng kalidad na edukasyon sa mga mag-aaral nito. (Rhoderick Beñez)