(Kabacan, North Cotabato/ October 9, 2012)
---Bukas na muli simula kahapon ang Kabacan Commission on Election Office para
sa mga nagpapatalang mga botante ng bayan.
Ayon kay Acting Election Officer Gideon
Falcis, pansamantalang sinuspende ang nasabing registration para bigyan ng daan
ang limang araw na filing ng mga certificate of candidacy ng mga kakandidato sa
iba’t-ibang lokal na posisyon.
Tatlo ang nag-file ng CoC para tumakbong
pagka-Mayor ng Kabacan: Jabib Guiabar sa ilalim ng PMP Political Party, Herlo
Guzman-Independent at ang incumbent Mayor George Tan sa ilalim ng Liberal
Party.
Dalawa naman ang tumakbong bise-alkalde ito
ay sa katauhan nina incumbent vice Mayor Policronio Dulay at Datumaido Sultan.
Samantala, abot naman sa 23 ang mga nag file
ng kanilang COC sa pagka konsehal ng bayan kasama na dito ang mga
re-electionist: Akmad Zacalia; Apuhin Edmundo; Balayan Haron; Bigsang Ernesto
Sr.; Candaganan Ben; Cumatog Lintato; Dapun Rolly; Del Rosario Angelito; Dela
Cruz Laudencio Sr.; Guzman Herlo; Lapar Vicky; Macalipat Datuan; Mamaluba
Rhosman; Manampan Zacarias; Mantawil Datu Masla; Manuel George; Mokasim Jimmy;
Peralta Antonio; Piang Inso; Quilban Ayesha; Saldivar Reyman; Tabara Jonathan
at Tan Glendale. (Rhoderick Beñez)
0 comments:
Mag-post ng isang Komento