(Kabacan, North Cotabato/ October 9, 2012)
---Dumulog sa himpilan ng Kabacan PNP kahapon ng hapon ang isang Misis
makaraang inireklamo nito ang kanyang Mister dahil sa pananakit sa kanya.
Mangiyak-ngiyak na dumating ang ginang sa
istasyon ng pulisya na itinago lang sa Pangalang “Lalai”, 34 residente ng Purok
Kapayapaan, Poblacion, Kabacan, Cotabato.
Ayon sa ginang hindi na umano niya makayanan
ang ginagawa sa kanya ng kanyang mister na may initial n JV, 38, matadero bukod
sa binubogbog siya, binubulyawan pa umano siya ng masasamang salita.
Kung noon ay kinakaya lamang ni Lalai ang
pananakit sa kanya ng kanyang sariling mister ngayon sobra na umano ang
ginagawang pagmaltrato sa kanya, ito dahil sa tuwing lasing ang suspek ay
sinsaktan siya.
Selos ang isa sa mga dahilan kung bakit
umano siya sinasaktan ng kanyang mister, ayon sa biktima sa panayam sa kanya ng
DXVL Radyo ng Bayan.
Sa ngayon nais ipakulong ni misis ang mister
para tumino at posibleng kakaharapin nito ang kasong paglabag sa RA 9262 o
Violation against Women and Children o VAWC. (Rhoderick Beñez)
0 comments:
Mag-post ng isang Komento