(Kidapawan City/ October
12, 2012) ---Nawalan ng ilang mga gamit ang isang 31-anyos na guro na di
kinilala sa report matapos nakawan umano ng sariling nitong kasambahay, sa may
Kanapia Subdivision sa Kidapawan City, kamakalwa.
Ayon sa report ng
pulisya, nagpaalam lamang ang kasambahay na si ‘Inday’, di niya tunay na
panangalan na uuwi sa kanilang tahanan sa isang barangay sa lungsod noon pang
oct.3.
Nangako umano si
Inday na babalik sa October 9 ngunit hanggang ngayon, di pa rin nagpapakita ang
katulong.
Dahil sa pangyayari,
kinutuban na ang guro na tinangay ni Inday ang ilang mga nawawalang gamit sa
kanilang tahanan.
Kabilang dito ang
ilang Tupperware items, relo, damit, cellphone na kung susumahin ay abot sa
walong libong piso ang halaga at cash na 2, 500 pesos.
Sa ngayon,
pinag-aaralan pa ng guro ang pagsampa ng pormal na reklamo kontra sa
househelper nito.
Samantala sa ibang balita… Tumilapon mula sa kanyang motorsiklo ang
isang lalaki nang aksidenteng sumalpok ito sa isang sasakyan sa may corner
Osmena Drive at Quezon Boulevard sa Kidapawan City, bandang alas alas nwebe
kwarenta kagabi.
Kinilala ni SPO3
Omar Abubakar ang motorista na si Marjune Ferrarin, 20, taga Barangay Kalaisan
sa lungsod.
Ayon sa report,
habang minamaneho ni Ferrarin ang kanyang Honda XRM 110, may plakang IT 9691
aksidente itong sumalpok sa isang Toyota HiAce Van na may plakang MVW 244 na
minamaneho naman ni Junedard Buay, 25, residente ng Poblacion sa lungsod.
Dahil sa pangyayari,
nagtamo ng sugat at galos si Ferrarin sa iba’t-ibang bahagi ng kanyang katawan
at agad namang isinugod sa bahay pagamutan.
0 comments:
Mag-post ng isang Komento