(Kidapawan City/ October 10, 2012) ---Mismong si Senior Inspector
Benjamin Mauricio, spokesperson ng Police Regional Office o PRO 12 ang
nagpasinungaling sa isyu’ng may inuutusan silang mga sibilyan upang
mang-solicit.
Ayon sa mga kumakalat na reklamo, may ilang mga indibidwal daw
kasi sa Kidapawan City at ilang parte ng Central Mindanao ang nanghihingi ng
pera sa mga negosyante at politiko.
Ang mga ito ay nagpakilala umano’ng mga pulis mula sa PRO 12.
Ayon kay Mauricio, aniya, ipinagbabawal ng kanilang ahensya ang
paghingi ng kahit na ano mula sa mga pribado’ng indibidwal.
Maaring mga sindikato umano ito na ginagamit lamang ang pangalan
ng pulisya.
Panawagan niya sa taumbayan, ‘wag maniniwala at wag magbibigay ng
pera sa naturang mga personahe.
Payo din niya sa mga residente na nabiktima nito, magsampa ng pormal
na reklamo kontra sa mga manloloko.
0 comments:
Mag-post ng isang Komento