(Midsayap, North Cotabato/ October 5, 2012)
---Muling kokonsultahin ang mga mamamayan bago lagdaan ang final peace
agreement na pinapanday ngayon sa pagitan ng gobyerno at MILF.
Ito ang naging pahayag ni North Cotabato 1st
District Cong. Jesus Sacdalan sa harap ng humigit kumulang 300 mga magsasaka sa
ginanap na pagpululong ng mga irrigators association sa Midsayap noong ika-2 ng
Oktubre.
Si Cong. Sacdalan ay isa sa mga itinalagang
observers ng ginaganap na GPH- MILF peace talks.
Ayon sa opisyal, ang 10 decision points na
pinag-uusapan ngayon ng dalawang peace panels ay muling ibababa sa mga
komunidad bago opisyal na lagdaan ang final peace agreement.
Hiniling din ni Sacdalan sa iba’t- ibang
sektor na suportahan at bigyan ng pagkakataon ang usaping pangkapayapaan.
Hindi na rin umano dapat muling maulit ang
nangyari noon sa MOA-AD.
Matatandaang naging kontrobersiyal ang
MOA-AD dahil sa hindi nagkaroon ng puspusang konsultasyon kaugnay ng nilalaman
nito.
Sa huli ay nagdesisyon ang Korte Suprema “unconstitutional”
ang MOA-AD. (Roderick Bautista)
0 comments:
Mag-post ng isang Komento