(Makilala,
North Cotabato/October 2, 2012) ---Binawian na ng buhay ang isang sais-anyos na
babae, ang isa sa apat na tinamaan ng sakit sa Dengue sa bayan ng Makilala, N
Cot.
Itinuturong
dahilan ng pagkalat ng sakit ang nakabarang tubig sa kanal sa barangay Kisante
sa bayan.
Aminado
si Kapitan Danilo Dante ng nabanggit na barangay na matagal nang dinadaing ng
mga residente doon ang naturang baradong kanal.
Ayon pa
kay Dante, idinulog na ng kanilang sanggunian ang problema sa Department of
Public Works and Highway o DPWH 1st Engineering district.
Sagot
naman ng ahensya, isasabay ang pagkukumpuni sa kanal sa gagawing road
rehabilitation sa Davao-Cotabato highway.
Kaugnay
nito, nanawagan ang pinuno na magtulong-tulong ang mga residente upang
matanggal ang mga basurang isa sa dahilan ng pagbara ng tubig sa ilang bahay sa
nabanggit na barangay.
Samantala sa iba pang mga balita, Pinasok
ng mga kawatan ang isang kwarto sa Kalaisan National High School sa barangay
Kalaisan, Kidapawan City. Nangyari ang krimen bandang alas tres ng madaling
araw, kamakalwa.
Ayon sa
inisyal na imbestigasyon ng Kidapawan City PNP, nakapasok ang mga magnanakaw sa
pamamagitan ng pagsira sa grills ng bintana sa classroom. Tinangay ng mga
kawatan ang isang Central processing Unit o CPU, at isang computer monitor na
nagkakahalaga ng abot sa dalawampu’ng libong piso.
Hanggang
sa ngayon, di pa rin batid ng kapulisan kung sino ang nasa likod ng panloloob
sa naturang paaralan.
0 comments:
Mag-post ng isang Komento