(Maguindanao/August
6, 2012) ---Nagpahayag ngayon ng pagkondena ang pamunuan ng 6th ID
Philippine Army hinggil sa nangyayaring panghaharass ng mga grupo ng Bangsamoro
Islamic Freedom Movement (BIFM) sa pamumuno ni Kumander Ameril Umbra Katu sa
iba’t-ibang mga lugar na sakop ng Maguindanao.
Sinabi sa
DXVL Radyo ng Bayan ngayong hapon ni 6th Division Public Affairs Col
Prudencio Asto na ang nasabing pag-atake ay isang malaking paglabag sa mga
mananampalatayang Islam ngayong panahon ng Ramadan.
Una dito,
ipinakalat na ang tropa ng 1st mechanized brigade para magbantay sa
erya.
Ayon kay
Asto, pansamantala muna nilang hinarang ang mga bumibiyahe sa National Highway
na dadaan sa erya ng Maguindanao dahil sa tensiyon na nangyayari ngayon.
Hindi pa
umano ligtas ang highway na dadaan sa mga lugar kagaya ng Ampatuan, Datu Unsay,
Shariff Aguak, Datu Saudi at Guindulungan Maguindanao dahil sa presensiya ng
mahigit sa isang daang mga armadong grupo na sakop ng BIFM.
Nabatid na
dalawa na ang patay sa panig ng kalaban habang isa ang sugatan sa militar na
nakilalang si Lt. Aguilar.
Una dito,
nilinaw ni Asto na hindi hi-nostage ang abot sa isang libung mga residente ng
brgy. Saniag na sakop ng lalawigan ng Maguindanao, kundi dumaan lamang ang
tropa ng mga armadong grupo sa lugar.
Sa panig
naman ng MILF, hindi nagbigay ng kumento dito si MILF Spokesperson Von Al Haq
dahil maliwanag na hindi nila kaalyado si Katu at sila ang itinuturing na mga
break away group.
Ang pagsalakay
umano ng grupo ng BIFM ay bilang retaliation nila makaraang mapatay ang isa sa
mga kasamahan nila sa nangyaring sagupaan sa Camp Alfaro sa Shariff Aguak ng
tropa ng 1st mechanized brigade nitong nakaraang buwan ng Hunyo at
walang kinalaman dito ang napipintong paglagda ng usapang pangkapayapaan ng
gobyerno ng Pilipinas at ng Moro Islamic Liberation Front. (Rhoderick Beñez)
0 comments:
Mag-post ng isang Komento