Kabacan PNP, hinikaya’t ang mga mamamayan na makipagtulungan at agad na ireport ang mga pinagdudahang bagay o tao sa paligid

(Kabacan, North Cotabato/August 8, 2012) ---Hinikaya’t ngayon ni P/Supt. Raul Supiter, hepe ng Kabacan PNP ang mga mamamayan ng Kabacan at mga karatig lugar na makipagtulungan sa kanila sa pamamagitan ng pagpaparating ng mga kaukulang impormasyon hinggil sa mga kaduda dudang mga tao o bagay sa mga paligid partikular na sa mga matataong lugar.

Ginawa ng opisyal ang pahayag kasunod na rin ng mga kumakalat na report na may planu umanong pasabugan ng mg a improvised explosive devise ang ilang mga lugar ng North Cotabato kasama na dito ang bayan ng Kabacan.

Kaugnay nito, mas pinaigting pa ngayon ng Kabacan PNP ang kanilang pagbabantay sa sa buoang area of responsibility nila partikular na ang Poblacion Kabacan.

Ipinakakalat na rin ng opisyal ang ilang mga pwersa ng Pulisya, Police auxillary at maging police Patrol na siyang magdadagdag bantay sa lugar kasama na ang pag-iikot ng K9 Unit o Sniffing dog sa terminal at sa mga pampublikong pamilihan ng Kabacan.

Panawagan pa ng opisyal partikular sa mga security guard ng bawat establisiemento at maging sa mga tindera na maging vigilante rin sa paligid.

Kaugnay nito, hinikaya’t din ng opisyal na agad na ireport sa kanila ang mga anumang krimen o pangyayari na may pagdududa sa inyung mga paligid sa Cell phone number ni Supt. Supiter sa: 0999-9917-538. (Rhoderick Beñez)