(Kabacan,
North Cotabato/Auguist 23, 2012) ---Abot na sa 34 na mga indibidual na sangkot
sa iba’t-ibang illegal na gawain kagaya ng pagtutulak at paggamit ng illegal na
droga at ilan pang paglabag sa RA 9165 ang naaresto ng Kabacan PNP sa
isinagawang operasyon nila mula buwan ng Mayo hangang sa unang linggo ngayong
buwan ng Agosto.
Ito
ang inilabas na report ng Oplan Task Force Krislam sa kampanya ng Kabacan PNP
na pinamumunuan ni P/Supt. Raul Supiter kontra sa talamak na bentahan ng
illegal na droga sa Kabacan.
Ayon
kay Task Force Krislam head P/Insp. Tirso Pascual abot na sa 18 mga operasyon
ang kanilang isinagawa na nagresulta sa pagkaka-aresto ng 34 na mga drug
personalities simula ng ilunsad ang Task Force Krislam sa Kabacan.
Sa
nasabing operasyon, nasabat ng mga otoridad ang may kabuuang walong gramo
ng mga heat sealed transparent plastic sachet na naglalaman ng shabu na may
tinatayang halaga na abot sa P170,000.00 maliban pa sa P19,900.00 na perang
narekober sa nasabing operasyon.
Una
dito, aminado ngayon si Supiter na kumalat na sa ibang lugar ang drug courier
matapos na mabuo ang Task Force Krislam.
Sa
kabila nito, magpapatuloy pa rin ang operasyon ng Kabacan PNP para tuluyang
malinis ang Kabacan sa sinasabing talamak na bentahan ng illegal na droga
partikular na ang shabu. (Rhoderick Benez)
0 comments:
Mag-post ng isang Komento