(Pikit,
North cotabato/August 24, 2012) ---Tiniyak ni Senior Inspector Elias Dandan,
hepe ng Pikit PNP, na bukas bente-kwatro oras ang Davao-Cotabato highway
partikular sa pagitan ng Pagalungan at Pikit kung saan namataan ang ilang
myembro ng Bangsamoro Islamic Freedom Fighters o BIFF.
Binigyang
diin naman ni Dandan na pinaghahanap na ng kapulisan at mga militar ang mga
rebelde.
Di
raw nila papayagang magdulot ng pangamba sa mga North Cotabateno ang kanilang
presensiya.
Samantala,
hinamon ng opisyal ang mga BIFF na makipaglaban ng harapan sa mga militar at
kapulisan upang di na madamay ang mga sibilyan.
Una
dito, tiniyak ngayon ng pamunuan naman ng militar na ligtas ang nasabing
kahabaan kungsaan may mga balitang namataan ang presensiya ng Bangsamoro
Islamic Freedom Fighter o BIFF na pinamumunuan ni kumander Ameril Umbra Kato,
ang sinasabing break away group ng MILF.
Kaugnay
nito, sinabi sa DXVL Radyo ng Bayan kaninang umaga ni Lt. col. Benjamen
Hau ang commanding officer ng 7th IB, Philippine Army na dinagdagan
na nila ang kanilang pwersa sa nasabing lugar sa tulong na rin ng pulisya upang
tiyakin ang seguridad ng mga motoristang dadaan sa bahagi ng Pikit, Aleosan
hanggang dito sa Kabacan.
Bagama’t naiulat ang pagsilikas ng ilangmga
pamilya sa nabanggit na bayan, di naman nagging sentro ng tension ang lugar,
ito bilang paghahanda lamang ngmga pamilya para di madamay o maipit sa nasabing
kaguluhan sakaling, sumiklab ang sagupaan sa pagitan ng grupo ng Bangsamoro
Islamic Freedom Fighter o BIFF at ng tropa ng militar. (Rhoderick Benez)
0 comments:
Mag-post ng isang Komento