(Kabacan, North Cotabato/July 13, 2012) ---Inilatag
na ng Cotabato Provincial Police Office ang iba’t-ibang programa hinggil sa
ilulunsad na Task Force Krislam sa araw ng Sabado, Hulyo a-katorse, 2012 sa
Purok, Chrislam, Brgy. Poblacion, Kabacan, Cotabato.
Ayon kay Supt. Raul Supiter, hepe ng Kabacan
PNP, may mga inihanda silang programa sa umaga kungsaan magsasalita ang
iba’t-ibang mga stakeholders mula sa sektor ng kabataan, akademya, brgy
officials, LGU, PNP, kasama na dito ang Regional Director ng PDEA-12 Aileen
Lovitos, 1st district Board Member Ernesto Concepcion at iba pa.
Agad namang susundan ang nasabing programa
ng Joint Signing of Covenant for Anti-illegal Drugs Campaign na pangungunahan
ni Cotabato Provincial Director P/SSupt. Cornelio Salinas.
Bukod dito, magsasagawa din sila ng Medical
Outreach Activity na pangungunahan ni IPHO at Rural Health Unit ng Kabacan na
pinamumunuan ni Dr. Sofronio Edu, Jr., Supplemental Feeding at pamimigay ng mga
tsinelas sa mga bata.
Ang Task Force Chrislam ay bahagi ng programa ng
Cotabato Provincial Police Office bilang WAR AGAINST Illegal Drugs sa North
cotabato.
Nabatid na ang bayan ng Kabacan sa North Cotabato ang
numero uno sa listahan kung illegal drugs ang pag-uusapan, ayon kay Senior
Supt. Salinas. (Rhoderick Beñez)
0 comments:
Mag-post ng isang Komento