(Carmen, North Cotabato/July 13,
2012) ---Abot sa 1,225 boardft. na mga illegally sliced lumbers ang nakumpiska
ng mga elemento ng Carmen PNP sa Sitio Kampo, Brgy. Malapag, Carmen, North Cotabato
nitong Miyerkules.
Ayon kay PCI Jordine Maribojo, hepe
ng Carmen PNP ang pagkakakumpiska ng nasabing mga illegal na troso ay dahil sa
kanilang nagpapatuloy na kampanya kontra illegal logging sa lugar.
Nabatid na abot sa 49 na piraso ng
mga troso mula sa iba’t-ibang klase ng kahoy ang kanilang nasabat sa
pakikipag-tulungan na rin ng mga local na opisyal doon.
Agad namang dinala ang nasabing mga
kahoy sa himpilan ng Carmen PNP, para sa tamang disposasyon.
Kung matatandaan, talamak din ang
nasabing gawain sa bayan ng Kabacan, partikular sa bulubunduking bahagi ng
Brgy. Pisan kungsaan pinuputol ng mga sindikatong tao ang mga naturally grown
na puno doon kagaya ng Molave.
Ang naturang hakbang ng mga otoridad
ay mas pina-igting kasabay na rin ng deriktiba ni Cotabato Gov. Emmylou “Lala”
Taliño Mendoza at ang ipinapatupad na total log ban ng Administrasyong Aquino. (Rhoderick
Beñez)
0 comments:
Mag-post ng isang Komento