(Cotabato City/July 10,
2012) ---Labing isang preso ang nakatakas mula sa Maguindanao Provincial Jail
dakong 1:30 ng madaling araw kanina sa lungsod ng Cotabato.
Ayun kay Cotabato City
Police Director SSupt Danny Reyes kabilang sa mga nakatakas ay si Datucan Samad
alyas Kumander Lastikman.
Nilagare ng mga bilanggo
ang bakal sa kanilang CR,umakyat sa pader,dumaan sa puno ng niyog palabas sa
Maguindanao Provincial Jail.
Sa kasalukuyan ay
nagpapatuloy ang pagtugis ng pinagsanib na pwersa ng Philippine
Marines,pulisya,BJMP at 6th Infantry Division ng Phil.Army sa mga tumakas na
preso.
Bago lang dalawa sa mga
tumakas na bilanggo ay nahuli sa Tukananes area sa lungsod ng Cotabato na
nakilalang sina Basco Puas at Boy Usop.
Matatandaan na tangkang
i-rescue si Lastikman ng kanyang mga kasamahan sa Kidapawan City Jail kung saan
dalawa ang nasawi at labing pito ang nasugatan ng magpasabog ang mga rebelde
kasabay ng kanilang pagtakas.
Binasura ang kaso ni
Lastkman ni Judge George Jabido dahil sa kakulangan ng ebedensya ngunit di pa
rin ito nakalabas dahil sa kasong multiple murder,extortion at robbery hold-up
na kinahaharap nito sa lalawigan ng Maguindanao.
0 comments:
Mag-post ng isang Komento