Mga sundalo nakarekober na naman ng IED sa probinsiya ng North Cotabato

(Magpet, North Cotabato/July 24, 2012) ---Dalawang linggo matapos na makubkob ng mga sundalo ang kinukutaang kampo ng mga New People’s Army sa bayan ng Magpet, North Cotabato ay narekober naman nila nitong linggo ang isa pang Improvised Explosive Device o IED.

Ayon kay 57^th IB Civil Military Operations Lt. Nasrullah Sema ang nasabing pampasabog ay tumitimbang ng walong kilo na may blasting cap may isang daang metrong detonating cord kungsaan kapareho nito ang isang IED na narekober din na sa Barangay Datu Celo,Magpet.

Nabatid na ang nasabing IED ay natagpuan ng mga residente habang nagbubungkal ito ng bukid alas 4:45 ng hapon nitong linggo.

Agad namang inireport ito ng mga residente sa Special Action force at sa Arakan PNP para sa tamang disposasyon.

Sa pahayag ng 602^nd Brigade ng 6^th Infantry Division na ang nasabing IED ay itinanim di lamang kalayuan sa Municipal Road ng bayan ng arakan kungsaan plano itong pasabugin sakaling dadaan ang tropa ng militar.

Ang nasabing pampasabog ay pangalawang IED na narekober sa North cotabato matapos na makubkob ng military ang isa sa pinakamalaking kampo ng NPA sa North Cotabato. (Rhoderick Beñez)