Posibleng solusyon sa riverbank erosion sa Midsayap, NCotabato tinukoy ng DPWH

(Midsayap, North Cotabato/July 24, 2012) ---Ininspeksyon ng mga kinatawan ng Department of Public Works and Highways o DPWH at district office ni North Cotabato 1^st District Cong. Jesus Sacdalan ang sitwasyon ng Libungan River sa bahagi ng Barangay Nalin, Midsayap, North Cotabato.

Kung matatandaan, Nababahala ang mga residente ng nabanggit na Barangay dahil sa tuloy- tuloy na pagguho ng pampang ng Libungan River.

Nanganganib na ring mag- collapse ang drainage canal sa lugar at dagdag pa ang banta ng pagguho sa kinatitirikang lupa ng kanilang eskwelahan at mga kabahayang malapit sa ilog.

Kaugnay nito, nagsumite na ng resolusyon ang barangay council sa DPWH at tanggapan ni North Cotabato 1^st District Cong. Jesus Sacdalan upang hilinging maaksyunan ang mga problemang ito.

Ayon sa report ni PPALMA News correspondent Roderick Bautista, sinabi nibarangay kagawad Mario Villaflor, ilang mga taniman na rin ng mangga, mais at niyog ang nasira dulot ng rumaragasang daloy ng tubig mula sa Libungan river. 

 Ilang kabahayan at mga poste ng kuryente na rin sa lugar ang tuluyang tinangay ng ilog.

Ipinapaabot ng mga residente ang kanilang kahilingan na sa lalung madaling panahon ay ito bago pa man mahuli ang lahat. May dalawang posibleng solusyon na nakikita ang DPWH Cotabato 2^nd District Engineering Office kaugnay ng problemang ito.

Una, pag-install ng mga driving sheet piles sa pampang ng ilog at pangalawa ay ang re- chanelling ng mismong ilog.

Ayon kay Assistant District Engineer Bartolome Pagaduan, kinakailangan munang ilatag ang “estimates” sa mga solusyong nabanggit.

Ngunit tinukoy rin ng opisyal na magsasagawa muna ng kaukulang survey upang alamin ang “water way” na siyang nagdudulot ng pagguho sa river banks.