(Kabacan,
North Cotabato/July 24, 2012) ---Hindi pa man nalutas ang mga nagaganap na
krimen at katatapos lamang isinagawa ang prayer rally kahapon hinggil sa
pagkondina sa sunod-sunod na patayan dito sa bayan ng Kabacan, dalawang
magkahiwalay na pamamaril ang naitala din kahapon.
Ang
una, isang Elsie Valmonte, 52 anyos na residente ng Upper Paatan ang patay on
the spot matapos na barilin ng di pa nakilalang suspek sa loob mismo ng kanyang
tinatrabahuang Wildwest Tailoring sa loob ng Public Market.
Ang
biktima ay binaril habang natutulog sa isang rattan na upuan.
Sinasabing
mistaken identity umano ang pagkakabaril sa biktima, ayon sa mga otoridad.
Naganap
ang insedente alas 2:00 ng hapon kahapon.
Samantala,
patay din ang isang Jery Ramos, 30-taong gulang, residente ng Malvar St.,
Poblacion, Kabacan makaraang pagbabarilin ng mga di pa nakilalang suspek gamit
ang di pa matukoy na uri ng armas alas 9:00 kagabi.
Ang
biktima ay posibleng binaril sa ibang lugar at tinapon lamang sa may palayan sa
Sitio Dimas, Lower Paatan.
Noong
nakaraang taon, binaril din ang ama ng biktima sa mismong sakahan nila, subalit
nagawa pa nitong makapagmaneho kahit may tama ito ng bala.
Nanguna
sa pagresponde sa pinangyarihan ng insedente kagabi si Supt. Raul Supiter, hepe
ng Kabacan PNP at PI Tirso Pascual.
Sa
loob ng isang araw kahapon, dalawang pamamaril ang naiatla ng Kabacan PNP na
ngayon ay patuloy na iniimbestigahan ng mga otoridad.
Ito
na ang pang-limang kaso ng pamamaril ang naitala sa bayan ng Kabacan sa loob
lamang ng dalawang linggo ngayong buwan ng Hulyo. (Rhoderick
Beñez)
0 comments:
Mag-post ng isang Komento