(Kabacan,
North Cotabato/July 27, 2012) ---Nabingwit na ng pinagsanib na pwersa ng mga
elemento ng Kabacan PNP at ng Cotabato Police Public Safety Company, ang
sinasabing isa sa mga malaking supplier ng illegal drugs sa Kabacan.
Ito
makaraang isinagawa nila ang buybust operation sa pangunguna ni Supt. Raul
Supiter, hepe ng Kabacan PNP sa isang bahay sa Abellera St., partikular sa
inuupahang boarding house sa likurang bahagi ng Adelaide Oasis boarding House
malapit sa harap ng Iglesia Ni Cristo, Poblacion, Kabacan, Cotabato alas 11:00
kagabi.
Narekober
ang tatlong mga plastic heat sealed sachet na naglalaman ng malaking halaga ng
shabu, na ayon sa tantsa ng mga otoridad ay abot sa mahigit sa Isang daang
libung piso, maliban pa sa cash na narekober kasama ang marked money na abot sa
P16,400.00.
Ayon
sa caretaker ng bahay na kinilala ng mga pulisya na si Sherry Ann Villanueva,
30, residente ng nabanggit na lugar bago lamang lumipat umano ang mga nahuli na
kinilala lang sa pangalang Talumbay Badal kasama ang tatlong mga lalaki at
isang dalagita na menor de edad.
Sa
ngayon patuloy ang ginagawang imbestigasyon ng mga otoridad sa mga nahuli na
sinasabing malaking isda na nabingwit nila kagabi sa matagumpay na operasyon
kontra pagsawata ng illegal na droga at malinis ang Kabacan sa top illegal
traders ng shabu.
Duda
si Supiter na may laboratoryo ng illegal na droga, pero kungsaan, tumanggi
munang ihayag ng opisyal.
Samantala,
sa hiwalay na panayam ngayong umaga kay Police Ins. Tirso Pascual, head ng Task
Force Chrislam kung ibebenta ng tingi-tingian aabot sa 150 sachet ng shabu ang
posibleng magawa sa repacking ng mga illegal drug traders.
Sinabi
ng opisyal na posibleng nagkakahalaga sa P170,000.00 ang naturang shabu na
kanilang nakumpiska kagabi sa mga suspek.
Inihahanda
na nila ngayon ang kasong paglabag sa R.A. 9165 o comprehensive dangerous drugs
act of 2002 habang nasa kustodiya ng mga pulisya ang suspek. (Rhoderick Benez)
0 comments:
Mag-post ng isang Komento