(Kabacan, North Cotabato/June 2, 2012) ---Plano ng College of
Education ng University of Southern Mindanao na isagawa ang in-house review sa
mga graduating students ng kolehiyo para matiyak na ang lahat ng kukuha ng
Licensure Examination for Teachers ay dadaan sa masusing review, ito para
mapataas ng passing rate ng Pamantasan sa LET.
Pero sa kabila nito, tutol ang ilang mga opisyal at miyembro ng National Union of
Students of the Philippines o NUSP sa plano ng Pamantasan dahil sa di dumaan sa
nasabing konsultasyon ang naturang plano, ayon kay NUSP-Cotabato Chapter Regine
Luz Aprosta.
Para mapag-usapan, ipinatawag ang mga
magulang ng mga estudyante nitong Biyernes kungsaan, hinusay doon ang
paniningil diumano ng kolehiyo ng P20 thousand sa bawat estudyante na
sasailalim sa nasabing in-house review.
Ayon kay Prof. Epifania Sabutan, ang
nasabing halaga ay projection lamang nila sa posibleng gagastahin ng mga
estudyante bilang pambayad sa kanilang tuition sa susunod na semester kasali na
dito ang uniform sa internship, mock board exam at in-house review fee.
Sa nasabing meeting ng mga estudyante at
magulang, doon ipinaliwanag na babayaran ang napagkasunduang halaga ng buwanan
para di masyadong mabigat sa bulsa ng mga magulang.
Nilinaw ni College of Education Dean Dr.
Lawrence Tandog na wala silang sinisingil na ganoong halaga sa mga estudyante
taliwas sa mga balitang lumabas na reklamo ng mga ito. (Rhoderick Beñez)
0 comments:
Mag-post ng isang Komento