(Antipas, North Cotabato/July 2, 2012) ---Abot sa P2.5M ang
iniwang danyos makaraang manalasa sa dalawang mga brgy. ng Antipas, North
Cotabato ang malakas na buhawi 7:45 ng umaga nitong Sabado.
Ayon kay PCI Felix Fornan, chief of police ng Antipas PNP wala
naman umanong may nasawi sa nasabing insedente.
Sinabi ng opisyal na malawak na ektarya ng mga sakahang lupa ng
mga magsasaka sa mga brgy ng Canaan at Camutan ang sinira ng nasabing buhawi.
Kabilang sa mga pananim na nasira ay ang mga plantation ng saging
at taniman ng goma, ayon kay ABC Chairman Daniel Golosino.
Kabilang din sa mga tinamaan ng buhawi ay ang sakahan na
pag-mamay-ari nina Dante Ambol at Renante Sarbon, ayon sa report ng Municipal
Disaster Risk Reduction Management Council (MDRRMC) ng nabanggit na bayan.
Ayon sa report, bago pa man nanalasa ang buhawi ay nakaranas na ng
malakas na hangin at sinundan pa ng malakas na ulan ang mga residente sa lugar.
Nagdulot naman ng pangamba sa mga residente maging sa Poblacion
ang nasabing pangyayari kungsaan pinagtakhan ng mga tao sa nasabing brgy. kung
bakit palaging dinadaan ng buhawi ng bayan ng Antipas.
Ang buhawi na nanalasa sa nabanggit na bayan ay pangatlong beses
ng nangyari ngayong taong ito lamang.
Pero ang pinakahuling pangyayari ay ang pinakamalakas at
mapinsala.
Ang bayan ng Antipas ay makikita sa sentro ng Arakan valley kung
saan may average rainfall na 72mm sa buong taon base sa data ng MDRRMC.
(Rhoderick Beñez)
0 comments:
Mag-post ng isang Komento