(Magpet, North Cotabato/March 12, 2012) ---Nasabat ng mga elemento ng Magpet PNP ang mahigit 2,000 board feet ng mga troso mula sa mga puno ng Lawaan sa highway ng Magpet, North Cotabato, kahapon.
Ang mga troso, ayon kay Magpet Mayor Efren Pinoy, ay pinutol sa Barangay Imamaling – isang deklaradong ancestral domain.
Nabatid na ang truck na pinagkargahan ng troso ay pag-aari umano ng isang negosyante na kilala sa apelyidong Embodo na taga-Kidapawan City.Ayon kay Pinol, walang kaukulang papeles ang naturang mga troso kaya’t itinuturing na illegal.
Ang Lawaan ay naturally-grown tree at ang pagputol ng ganito’ng uri’ng mga puno ay mahigpit na ipinagbabawal sa ilalim ng Forestry Code of the Philippines.
Ang truck na may kargang illegal na troso ay nasa kustodiya ngayon ng Magpet PNP.
0 comments:
Mag-post ng isang Komento