(Matalam, North Cotabato/January 28, 2012) ---Naglagay ng barikada sa daan ang mga landowners sa may Sitio Imelda, Barangay New Alimodian sa bayan ng Matalam, North Cotabato para hindi makapasok sa kanilang lupa ang mga trabahante ng Sumifru Corporation, isa sa pinakamalaking banana firm sa Central Mindanao, kamakalawa ng hapon.
Ayaw na kasi’ng payagan ng mga landowners makapag-harvest ng mga tanim na saging ang Sumifru
Noon pang January 24 ipinadala ng abogado ng mga Brizuela ang sulat na naglalaman ng ‘Notice of Termination’ sa pinirmahan nila’ng lease contract sa Sumifru.
Ayon sa administrative officer ng Sumifru sa North Cotabato na si Eric Tubo, , tanging ang korte lamang ang makakapag-pasya kung kailangang i-terminate na ang kontrata. Mangyayari lamang ito kapag idinulog sa korte ang isyu.
Sa ngayon, wala pang kaso na naisasampa sa alinmang korte sa North Cotabato kaya’t ‘di raw makatuwiran na akusahan sila ng mga landowners ng ‘breach of contract.’
0 comments:
Mag-post ng isang Komento