Written by: Written by: Rhoderick Beñez
(Kabacan, North Cotabato/January 23, 2012) ----Tuluyan ng iginupo ng kanyang sakit na bone cancer ang isang mag-aaral ng University of Southern Mindanao na nakilala sa pangalang Alex Anthony Ocampo, 2nd year Agri Business student ng College of Business Development and Economic Management o CBDEM, at residente ng Columbio, Sultan Kudarat.
Para sa kanyang mga kaibigan si Ocampo ay isang bibong mag-aaral ng pamantasan na aktibo lalong lalo na sa pagsasayaw, nu’ng ito ay nabubuhay pa.
Sa panayam ng DXVL –Radyo ng Bayan sa nakakatandang kapatid nitong si Alex, mag-dadalawang taon na umanong nasa malubhang kalagayan ang bunsong kapatid nila na ang bone cancer ay nasa stage 4 na.
Na naging dahilan sa pagtigil nito sa pag-aaral at pagsasayaw.
Nagdusa si Ocampo dala-dala ang karamdaman nito at noong Sabado ng gabi ay tuluyan na siyang binawian ng buhay.
Magkahalong emosyan naman ang nararamdaman ng mga kapamilya, kaibigan at mga nakakakilala nito, bagama’t nalulungko’t ayon naman sa kuya nito, masaya na rin siya sa pagkamatay ng kapatid ito upang makapahinga na rin ito sa malubhang karamdaman na dinadala niya ng mahigit na ilang taon na.
0 comments:
Mag-post ng isang Komento