(Kabacan,
North Cotabato/ September 16, 2015) ---Huli na nang mapagtanto ng isang 38
anyos na ginang na nabiktima na siya ng budol-budol gang sa Kabacan Public
Market alas 3:30 kahapon ng hapon.
Kinilala ni
PSI Ronnie Cordero OIC Chief ng Kabacan PNP ang biktima na isang Joy
Catedrilla, may asawa at residente ng Brgy. Ugalingan sa bayan ng Carmen North
Cotabato.
Ayon sa
salaysay ng biktima, nagkasabay umano sila ng suspek na isang babae, nasa 40
anyos ang edad, medyo maputi, medyo chubby sa sinakyan nitong multicab papunta
dito sa bayan.
Sinabi ng
suspek na galling umano siya sa bayan ng Carmen dahil nabenta ng mga alahas.
Nagpakita
pa umano ng pera ang suspek sa biktima.
Pagdating
ng mga ito sa terminal ng mga multicab sa Kabacan Public Market ay sinabi ng
suspek na magsi CR lang ito at iiwan niya sa biktima ang kanyang bag na
naglalaman umano ng maraming pera.
Upang
masiguro umano ng suspek na hindi aalis ang biktima ay kinuha rin nito ang bag
ni Catedrilla at ibinigay naman niya ito.
Hindi naman
umano nakahindi ang biktima sa mga sinabi ng suspek.
Doon na
naghinala ang biktima na ilang sandali na ang nakakalipas ay hindi pa bumabalik
ang suspek at nang tingnan niya ang laman ng bag puro papel lamang.
Agad na
dumulog sa himpilan ng pulisya ang biktima.
Patuloy
ngayon ang paghahanap ng Kabacan PNP sa nasabing suspek.
Nagbigay
naman ng paalala si PSI Cordero sa publiko na wag basta makipag-usap sa mga
estranghero lalo pat hindi kilala upang hindi mabiktima sa nasabing mudos ng
mga suspek.
Dagdag pa
ng opisyal, iwasan rin ang pagdadala ng maraming pera at pagbibilang ng pera sa
maraming tao. Mark Anthony Pispis
0 comments:
Mag-post ng isang Komento