(Davao City/ September 14, 2015) ---Naglatag na ng mga
mitigating plan ang Department of Agriculture Regional Office 12 hinggil sa posibilidad
na pagtama ng El Nino sa Rehiyon.
Sa isinagawang press conference inihayag ni DA 12 Regional
Executive Director Amalia Jayag Datukan na batay sa forecast ng PAGASA
posibleng tatami ang matinding tag-tuyot sa buwan ng Oktubre ngayong taong
hanggang sa unang bahagi ng 2016.
Dahil dito, iba’t-ibang paghahanda ang inilatag ng
Kagawaran kagaya ng pag buo ng drought Technical Working Group, cloud seeding,
pamimigay ng mga seed resistant seeds, paglalagay ng mga tube wells at iba pang
makinarya para sa open source water.
Maliban dito, inihayag din ng opisyal na may mga gagawin
silang surveillance ng mga peste at mga disease activities.
Sa hiwalay namang panayam ng DXVL News kay Regional Agriculture
and Fisheries Information Section Chief Nelly Ylanan, sinabi nitong may mga
nakakalat ng mga kawani ng Kagawaran sa iba’t-ibang sulok ng rehiyon para sa
pag monitor ng kalagayan ng sakahan.
Samantala, wala pang datos na nailabas ang kagawaran
hinggil sa kung gaanu kadami at magkakanu ang danyos ng nagdaang tagtuyot na
tumama sa rehiyon.
Tiniyak naman ni Director Datukan na bukas ang kanyang
pamunuan sa anumang mga reklamong ipaparating ng mga magsasaka. Rhoderick Benez
0 comments:
Mag-post ng isang Komento