(Sultan Kudarat/ August 17, 2015) --- Sumampa
na sa walao katao ang naiulat na namatay sa nangyaring engkwntro ng dalawang
field commanders ng Moro Islamic Liberation Front (MILF) sa probinsya ng Sultan
Kudarat, ayon sa report kahapon.
Ayon sa ulat mula sa Sultan Kudarat PNP
Provincial Office, nagkasagupa ang grupo nila Kumander Binago at Kumander Andy
ng MILF sa Barangay Napnapan, Palimbang, Sultan Kudarat.
Lumabas sa report na inatake ng mga tauhan
ni Kumander Andi mula sa Barangay Kanipaan ang kinaroroonan ng mga tauhan ni
Kumander Binago bilang paghiganti sa pagkamatay ng kanilang kasamahan na si
Kadil Kongo at ng 2-anyos na batang lalaki na tinamaan ng ligaw na bala ng
pagbabarilin ito ng riding in-tandem noong Agosto 2.
Tatlo sa mga namatay ang mga tauhan ni
Binago habang dalawa naman sa panig ni Andi.
Nasa 500 residente naman ang nagsilikas sa
nangyaring labanan.
Sinabi mismo ni Palimbang chief of police
S/Inspector Romeo Calamba na maliban sa mga nasawi, 11 ang nasugatan sa
magkabilang panig.
Awayan umano sa lupa o rido ang ugat ng
bakbakan ng pamilya nina Kumander Andy at Kumander Binago.
Kaagad namang kumilos ang Central Committee
ng MILF at nagpadala ng mga negosyador para ayusin ang gusot ng magkalabang
grupo. Rhoderick Beñez
0 comments:
Mag-post ng isang Komento