(Kabacan, North Cotabato/ August 17,
2015) ---Nanawagan si Kabacan Mayor Herlo “Jojo” Guzman Jr. sa Brgy. Poblacion
Council ng bayan na asikasuhin kaagad ang pagpapa-reconect ng linya ng street
lights sa Brgy. Poblacion ng Kabacan.
Ito ang inihayag ng alkalde sa kanyang
programang Unlad Kabacan sa DXVL tuwing araw ng Sabado.
Anya, kanya mismong personal na
kinausap si COTELCO GM Godofredo Homez upang ipaalam na nagpalabas na siya ng
pondo upang mabayaran ang lahat ng utang ng Brgy. Poblacion sa street lights.
Nagpasalamat naman ang opisyal sa
agarang tugon ng SB kabacan at agad na inaksiyunan ang kanyang request.
Matatandaang nagpasa ng resolusyon si
SB Member Councilor Rhosman Mamaluba hinggil sa pagbibigay ng pahintulot kay
Mayor Guzman na magpalabas ng pondo upang mabayaran ang kabuuang utang na nag
kakahalaga ng P559,000.
Nabatid na agad naman itong
inaprobahan ng SB.
Umaasa naman si Mayor Guzman na
agaran nang mareconect ang linya ng mga street lights upang matapos na ang
nasabing problema at masiguro ang kaligtasan sa Brgy. Poblacion na siyang
sentro ng bayan ng Kabacan. Christine
Limos
0 comments:
Mag-post ng isang Komento