(Kidapawan City/ October 23, 2014) ---Dalawang
panukalang ordinansa ang tinalakay kahapon sa isinagawang public hearing sa
isang kilalang hotel sa Kidapawan City.
Sa panayam ng DXVL News kay SP Committee on
Laws chairperson Board Member Joemar Cerebo na isinalang ng Sangguniang
Panlalawigan ng Cotabato ang "Ordinance Declaring Children in Cotabato as
Zone of Peace, Implementing Stringent Provisions Therefor and for
other
Purposes" at "Implementing the Guidelines and Policies relating to
land conflict pursuant to existing applicable laws, rules and issuance, creating
therefore the inter-agency council on land disputes, defining its powers and
functions and for other purposes".
Sa pangunguna ng Sangguniang Panlalawigan
Committee on Laws, Rules and Privileges at Committee on Human Rights, Peace and
Order, dito inisa-isa ang mga dapat gawin sa mga kabataang naapektuhan ng
kaguluhan.
Sinabi ni Cerebo na Layunin nito na malikom
ang iba’t-ibang mga suhestiyon at komento ng publiko hinggil sa dalawang
panukalang ordinansa.
Aniya, ang Ordinance number 14-055 ay bunga
ng isinagawang mga dayalogo ng mga Human Rights Advocates at government
officials para maprotektahan ang kabataan sa panahon ng kaguluhan.
Taglay ng ordinansa ang mga probisyon na
nagbibigay ng proteksyon sa mga kabataan at kababaihan na nakasaad din sa
International Humanitarian Law.
Maliban dito, ay pinabalangkas din nila at
pinag-aaralan ang konkretong solusyon sa mga nagaganap na land conflict sa
probinsiya kungsaan maraming buhay na ang nalagas dahil sa pinag-aawayang lupa.
Rhoderick Beñez
0 comments:
Mag-post ng isang Komento