Church-Society for the Protection of Civilian Rights, bubuuin sa North Cotabato upang tumutok sa pagprotekta sa karapatang pantao

(Kidapawan City/ October 21, 2014) --- Maglalatag ang isang grupo ang civil society organizations o CSO sa North Cotabato na pangunahing tututukan ang pagprotekta sa karapatang pantao.

Tatawagin nila itong Church-Society for the Protection of Civilian Rights o CSPR. Mangunguna sa grupong ito ang Justice for Pops Movement o JPM.

Kabilang sa mga convener ng CSPR ay sina Father Peter Geremiah, PIME ng JPM at Father Hipolito Paracha, ang coordinator ng Justice, Peace, and Integrity of Creation o JPIC ng Diocese ng Kidapawan.
Kaugnay nito, gagawin sa October 24 ang kauna-unahang miting nito na gagawin sa Spottswood Methodist Center sa Kidapawan City.
Ayon kay Father Geremia, ang tumataas na kaso ng mga unsolved cases ng extra-judicial killings, partikular ang pagpatay noong October 2011, kay Father Fausto Pops Tentorio, ang nagtulak sa hanay ng simbahan kasama ng iba pang sektor, na bubuuin ang Church-Society for the Protection of Civilians. DXVL NEWS