NGCP, pinasalamatan ng ilang mga mag-aaral ng barangay sa bayan ng Pikit, Cotabato sa pagbibigay ng bagong silid aralan

By: Mark Anthony Pispis

(Pikit, North Cotabato/ September 19, 2014) ---Lubos na pinasalamatan ng mga mag-aaral, guro at ilang mga residente ng Sitio Baruyan, Nalapakan, Pikit, Cotabato ang bagong silid aralan na ibinigay ng National Grid Corporation of the Philippines o NGCP.

Ito ang naging pahayag ni Datu Tumindeg Sultan Memorial Elementary School Head Abo Halil Karudi sa isinagawang turn-over ceremony ng nasabing paaralan nitong umaga ng September 18.

Aniya malaki ang pasasalamat nito sa NGCP, bukod sa pagbibigay ng kalidad na transmission sa kuryente ay kanila ding tinututukan ang ilang mga panlipunang serbisyo.

Sa kanyang mensahe, iginiit ni NGCP Principal Specialist Mark Raymund Bulanga na ang nasabing turn-over ceremony ng tatlong classroom na gusali ng mababang paaralan sa Datu Tumindeg Sultan Memorial Elementary School ay bahagi ng kanilang Corporate Social Responsibility (CSR).

Maliban dito, masayang ibinalita din ng pamunuan ng NGCP na bukod sa bayan ng Pikit ay kanila ding nabigyan ng kahalintulad na proyekto ang Kiblawan sa lalawigan ng Davao del Sur, Barangay Balabag sa Kidapawan City, at ang barangay Dalingawen sa bayan din ng Pikit.

Sa ngayon ay magagamit na ng mga mag-aaral ang bagong silid aralan para sa mas ‘conducive’ na pag-aaral.

Kasama din sa dumalo sa turn over ceremony ay sina Mayor Muhyryn Sultan-Casi ng Pikit, dating Mayor Sumulung Sultan ng Pikit at Board Member Dulia Sultan ng 1^st  District ng Cotabato Province.

Nagpaabot din ng kanyang pasasalamat sa pamunuan ng NGCP si Schools Division Supt. Omar Obas.

Kaugnay nito, nagpaabot naman ng token ang pamunuan ng nasabing paaralan kay NGCP Pres. Henry Sy., Jr. bilang tugon sa kanilang taos pusong pasasalamat sa NGCP.

Anya malaking tulong umano ito hindi lamang sa mga mag aaral, mga magulang at mga guro kundi pati narin sa mga batang susunod pang magpapa-enrol sa kanilang paaralan.

Sa panig naman ng NGCP, naniniwala ang mga ito na sa pamamagitan ng edukasyon ay mabibigyan ng magandang buhay ang mga bata na susunod sa henerasyong ito. DXVL NEWS!