By: Roderick Rivera Bautista
(Midsayap,
North Cotabato/ September 18, 2014) ---Pinangunahan ng lokal
na pamahalaan ng Midsayap at opisina ni North Cotabato First District Rep.
Jesus Sacdalan ang pamamahagi ng food packs sa mga biktima ng baha dito sa
bayan dulot ng malakas na ulan at pag- apaw ng Rio Grande de Mindanao.
Ginawa ang relief operation nitong September
16- 17, 2014 kung saan abot sa 1938 na food packs ang naipamahagi sa riverside
area partikular sa mga barangay ng Kadigasan, Damatulan at Lomopog.
Nabatid na nagmula ang nasabing food packs sa
Department of Social Welfare and Development o DSWD Regional Office XII sa
Koronadal City.
Samantala, kulang pa rin ang tulong na
kailangang maihatid sa iba pang mga barangay sa river side area dahil higit
5000 katao ang kabuuang bilang ng nangangailangan ng tulong batay sa ulat ng
Municipal Risk Reduction and Management Council o MDRRMC.
Una nang sinabi ni Rep. Sacdalan na patuloy
ang pakikipag- ugnayan ng kanyang tanggapan kay DSWD XII Regional Director Bai Zorahayda
Taha para madagdagan pa ang tulong na maipapamahagi sa mga apektado ng baha.
0 comments:
Mag-post ng isang Komento