(Kabacan, North Cotabato/ September 15, 2014)
---Tatlo katao ang naiulat na nagpositibo sa sakit na ketong o leprosy sa bayan
ng Kabacan.
Ito ang napag-alaman mula kay leprosy
coordinator Ruth Pasion ng RHU Kabacan sa panayam ng DXVL News.
Batay sa ulat 2 dito ang mula sa Brgy.
Dagupan at 1 naman ang mula sa brgy. Bannawag.
Ang isa sa mga biktima ay sundalo na
residente ng brgy. Dagupan kungsaan lumabas ang nasabing sakit makalipas ang
sampung taon na nahawaan ito, ayon kay Pasion.
Sa ngayon, patuloy naman ang ginagawang
gamutan sa mga ito at unti-unti namang silang gumagaling kungsaan isang taong
suportado ang mga ito ng gamot mula sa RHU Kabacan.
Ang sakit na ito ay dala ng mikrobyo at
matagal na gamutin kung hindi agad maaagapan.
Gayunpaman, mahirap mahawa ng sakit na ito.
Mahahawa lamang ang isang tao kung tuwiran at matagal ang ugnayan sa taong may
ketong na hindi nagpapagamot.
Sinabi ni Pasion na ang unang palatandaan ng
ketong ay ang paglitaw ng isang tuyo at magaspang na patse na kakaiba ang kulay
sa normal na balat.
Hindi matuklap ang patseng ito, at hindi rin
matanggal kahit ginagamot
.
Aniya, Kapag hinahawakan ang patseng ito o
kahit tusukit man ng karayom, walang mararamdamang anumang sakit, o kirot ang
pasyente.
Karaniwan, ang patseng ito ay hindi pinapawisan at walang balahibo.
Rhoderick Beñez
0 comments:
Mag-post ng isang Komento