(Kidapawan City/ September 2, 2014) ---Tinamaan
ng dengue shock syndrome ang isang anim na taong gulang na bata dahilan ng
pagkamatay nito.
Unang naisugod sa ospital sa Kidapawan ang
biktimang si Jolly Mansera ng Madrid Subdivision ng lungsod.
Paliwanag naman ni Kidapawan City Health
Officer Dr. Joy Incencio na posibleng tumama sa biktima ang dengue shock
syndrome dahil sa bilis nitong nawalan ng platelet at tila na-drain ang kidney
nito.
Bago nito, nanatili ng tatlong araw si
Mansera sa pagamutan ng lungsod bago itinakbo sa Davao City.
Pagdating ng Davao ay inoperahan sa kidney
si Mansera dahil mula sa 270 na platelet nito ay bumagsak na lamang ito sa
bilang na pito.
Pagsapit ng alas dyes ng gabi ay binawian na
ito ng buhay.
Dahil sa pangyayari ay muling pinaalalahanan
ni Incencio ang publiko na maging malinis sa katawan lalong-lalo na sa
kapaligiran.
Sinabi rin nito na ang maagap na
pagkokonsulta sa doctor ay makakatulong rin sa paglala ng sakit sakali mang may
nararamdamang sintomas na ang isang tao ng dengue. Rhoderick Beñez
0 comments:
Mag-post ng isang Komento