(Pikit, North Cotabato/
September 1, 2014) ---Pumalo pa sa 19 na mga barangay ang sinalanta ng tubig
baha dahil sa nakaraang pagbuhos ng malakas na ulan sa bayan.
Ito ang kinumpirma sa DXVL
News ni Pikit MDRRMC Head Tahira Kalantongan kasabay ng pagtitiyak nito na
nakahanda ang kanilang tanggapan sa anumang kalamidad.
Una ng sinabi ng opsiyal na
patuloy silang naka alerto sa mga di inaasahang kalamidad.
Batay sa pinakahuling datos na
nakuha ng DXVL News abot na ngayon sa 5,352 ang bilang mga mga pamilya na sinalanta ng mga pagbabaha sa
bayan ng Pikit, particular na dito ang mga nasa low lying areas.
Kaugnay nito unti unti namang
humuhupa ang baha, pero sinabi ng opisyal na kapag bumuhos uli ang malakas na
ulan, aasahan na madadagdagan ang naturang bilang.
Kabilang sa mga barangay na
binaha ay ang Inig-ug, Talitay, Bagoenged, Rajahmuda, Buliok, Barungis,
Kacsalan, Bulol, Paidulpulangi, Punol, Macasendeg, Katilacan, Poblacion,
Ladtingan, Nabundas, Balabak, fort Pikit at Pamalian.
Sa ngayon, panawagan ng
opisyal sa mga residente na maging mapagmatyag sa kanilang paligid at agad na
lisanin ang lugar kapag muling raragasa ang tubig baha.
Samantala karamihan naman sa
mga lugar sa Pagalungan ay lubog din sa tubig baha nitong Biyernes matapos na
umapaw ang tubig sa ilog sa naturang lugar. Rhoderick Beñez
0 comments:
Mag-post ng isang Komento