Kakunektadong Irah Palencia Gelacio, ihahatid na sa kanyang huling hantungan bukas

(Kabacan, North Cotabato/ July 4, 2014) ---Ihahatid na sa kanyang huling hantungan bukas si kakunektadong Irah Palencia Gelacio makaraang mamatay ito dahil sa panganganak nitong Hunyo a-24 ng madaling araw.

Si Irah ay ililibing sa St. Jude Memorial Park sa brgy. Kilada, Matalam, North Cotabato bukas alas 9:00 ng umaga kungsaan aalayan ito ng misa sa Christ the King Parish sa simbahan ng katoliko.

Ang mga labi nito ay pansamantalang nakahimlay sa kanilang bahay sa 1^st Block, Villanueva Subdivision, Kabacan, North Cotabato.

Nabatid na si Irah ay binawian ng buhay noong June 29 alas 12:30 ng madaling araw sa San Pedro Hospital matapos na di na nito kinaya pa ang komplikasyong kanyangdinaramdam matapos manganak sa Lying In at naubusan ng dugo.

Planu din ngayon ng Pamilya Gelacio na maghain ng reklamo laban sa lying Inn upang hindi na maulit ang nangyari kay Irah na diumano’y kapabayaan ng mga midwife at nurse attendant matapos na maubusan ng dugo makaraan ng dalawang oras na panganganak.

Naiparating na rin ng Pamilya Gelacio ang pangyayari sa Sangguniang Bayan ng Kabacan ang nasabing insedente sa pamamagitan ni vice Mayor Myra Dulay Bade.

Samantala lubos naman ang pasasalamat ng Pamilya Palencia-Gelacio lalo na ang kanyang asawa na si Gerald Gelacio sa lahat ng mga tumulong at nakiramay sa maagang pagpanaw ni Ka-kunektadong Irah Vanesa Gelacio.

Bumuhos rin ang pakikiramay sa kanya ng kanyang mga suking tagapakinig sa DXVL FM, bukod pa sa suporta din na ipinaabot ng USM, mga kasamahan sa trabaho at mga kamag-anak nito.

Naulila ni Irah ang asawa nito mga kapamilya, kamag-anak at ang dalawang anak nito na sina Carl Gervane at Prince Ivan John.

Si Irah ay Broadcast traffic Officer ng DXVL FM, may hawak din ng Sales and Marketing ng Himpilan.

Siya rin ang napapakinggan sa Balitang KOOL oras-oras.

Hawak din nito ang segment na Health News and Expert Views, Balitang Pangkalakalan at Ekonomiya sa The Morning News program.

At sa hapon naman ay katamdem ng inyung lingko sa sa Periodiko Express.