(Matalam, North Cotabato/ June 30, 2014) ---Patay
ang isang 46-anyos na laborer makaraang barilin mismo ng kanyang pamangkin sa
nangyaring pamamaril sa harap ng Brgy. Social Hall sa Brgy. Estado, Matalam,
North Cotabato alas 6:00 kagabi.
Sa report ni SPO1 Froilan Gravidez ng
Matalam PNP kinilala ang biktima na si Alberto Candole Eglisia, 46, habang
kinilala naman ang suspek na mismong pamangkin ng biktima na si Mario Eglisia,
35-anyos kapwa residente ng nasabing lugar.
Batay sa inisyal na pagsisiyasat, nagkaroon
umano ng di pagkakaintindihan ang suspek at biktima hanggang sa nauwi sa
pamamaril.
Tatlong beses na binaril ng suspek ang
tiyuhin nito gamit ang isang pistol na naging dahilan ng agaran nitong
kamatayan.
Mabilis namang tumakas ang suspek sa di
amalmang direksiyon.
Personal grudge ang isa sa mga nakikitang
motibo sa nasabing krimen. Rhoderick
Beñez
0 comments:
Mag-post ng isang Komento