(Kabacan, North Cotabato/ April 1, 2014) ---Malaki ang
paniniwala ni Kabacan Fire Senior Inspector Ibrahim Guiamalon na intentional o
sinadya ang pagkakasunog sa University of Southern Mindanao Agricultural
Research Center o USMARC administration building nitong madaling araw ng
Pebrero a-26.
Ito ang ibinunyag kahapon ng opisyal sa DXVL News batay
sa progress report na lumabas sa kanilang imbestigasyon.
Aniya, bago paman nangyari ang nasabing insedente ay
nakatanggap na ng banta si Vice President for Research and Extension Dr.
Cayetano Pomares batay sa sinumpaang salaysay nito sa Bureau of fire.
Ito ngayon ang sinisilip na anggulo ng mga otoridad at
batay na rin sa ugali ng apoy na naobserbahan ng mga kagawad ng pamatay sunog
ng mangyari ang insedente kungsaan sabay-sabay na sumiklab ang sunog.
Tinawag pa ni Guiamalon ang nagpapadala ng text messages
na “fire Maniac” kay Dr. Pomares bago at matapos ang insedente.
Sa ngayon hindi pa rin dumating ang fire crime lab
result para mapagtibay ang mga ebedensiyang pinapanday ng mga otoridad laban sa
mga suspek.
Samantala sa pagtatapos ng fire prevention Month
celebration, sinabi ni Guiamalon sa publiko na mag-ingat pa rin kontra sunog.
Wala namang naitalang sunog sa Kabacan sa buong buwang
pag-obserba ng nasabing aktibidad. Rhoderick
Beñez
0 comments:
Mag-post ng isang Komento