(Midsayap,
North Cotabato/ August 7, 2013) --- Isang malakas na pagsabog ang gumulantang
sa bayan ng Midsayap, North Cotabato pasado alas 3:00 kaninang madaling araw.
Sa report
ni Cotabato
PNP provincial director S/Supt Danilo Peralta, sumabog ang hindi pa matiyak
klase ng Improvised Explosive Device o IED sa harap mismo ng M-Lhuillier
Pawnshop na nasa Sto Niño St., sa nabanggit na bayan.
Nasa ikalawang palapag ng gusali nakahimpil
ang DXMA-FM Wow Radio.
Inihayag ni Supt Reinante Delos Santos, hepe
ng Midsayap PNP na inilagay ang improvised explosive device (IED) sa ilalim ng
upuan ng naturang pawnshop.
Dahil
sa lakas ng bomba nawasak ang harapang bahagi ng ML Pawnshop at mga salamin ng
ilang tindahan malapit sa naturang lugar.
Bagama’t
walang nasugatan sa nasabing pagsabog, nagdulot naman ito ng takot sa mga
kawani ng 104.1 Wow Radio na nasa itaas na bahagi ng ML Pawnshop kung saan
nabasag ang mga gamit nito at na off-air sandali ang kanilang stasyon sa
lakas ng IED.
Inaalam
naman ngayon ng mga otoridad kung may kaugnayan ang insidente sa nangyaring bombing incident sa Cotabato City nitong nakaraang Lunes. (Rhoderick Beñez)
0 comments:
Mag-post ng isang Komento