(Amas,
Kidapawan City/ March 4, 2013) ---Namayagpag ang koponan ng General Santos city
matapos na maiuwi ang kampeonato sa katatapos na Cotabato Regional Athletics
Association na ginanap sa probinsiya.
Sa puntos
na 586.50 umabante ang Gensan sa mahigpit nitong katunggali ngayong taon sa
CRAA laban sa South Cotabato na 586.0 na puntos at dati ring may hawak ng
kampeonato sa dalawwang magkasunod na taon.
Di naman
umuwi ng luhaan ang Cotabato Province makaraang makuha nito ang 2nd
Place sa nasabing sports event at sinundan ng Koronadal city na nasa 3rd
place.
Ang
naturang aktibidad ay pormal na nagtapos kaninang alas dose ng tanghali.
Sa
Elementary level tinanghal na kampeon ang Cotabato Province, 1st runner up
naman ang South Cotabato, 2nd runner up ang General Santos City at ang 3rd
runner up ay ang Koronadal City.
Para
naman sa Secondary level, Champion ang General Santos City, 1st runner up ang
South Cotabato, 2nd runner up ang Koronadal City at ang Cotabato province para
sa 3rd runner up.
Ang
mga kalahok na nakakuha ng 1st place ay magiging pambato ng Rehiyon
sa gaganaping Palarong Pambansa sa Dumaguete City sa susunod na buwan. (Angelo
Traya)
0 comments:
Mag-post ng isang Komento